Neuwerk/Harz
wei spräken Platt
Neuwerker Holzarbeit
Fotoalbum d. Vereine
Chronik
Bilder
1.FCM "Bodefire"
Brauerei-Fußballer
besondere Links
Impressum
Aktivitäten


Niewarke , dat is en Nest

Niewarke , dat is en Nest ! Wat es da allet jift , dat jift es blot in Niewarke !

Dort hemm se blot 160 Liee, awer veier Ortsdeile ; nämlich"Hamburg" , dat "Kreezdahl" un denn hemm se nok et "Ober-und Unterdorp"

Dei hemm kane Karche , ne dei hemm blot en Betsaal ewern ejemalijen Konsum . Wenn me ropp kimmt , is links de Altar  , davor stahn nok Bänke ; twei grote un twei klane . Dei groten sind vorn Pastor un de klane sind vor de Kinder. Inner Ecke , hintern Altare is de Orgel . Da moste aner von de Konfirmanden den Blastebalk traen . Manchetmal kam de Kantor int Stottern , wenn de Jungens en bettchen sache eträn hemm . Viele Liee warn selten inner Karche , sin woll alle Heidn ...

Dei Glockentorm stat jejenewwer , op de Schaule . Dei Glocken warn awer sau schwar , dat , wenn de Küster elitt hätt , de Turm hin un her schwanke .  Da häm dei Liee Angest  ekräet , dat de Torm op Piepenpahl kippen könne .

Watt denn nu ? De Karchenvorstand , de Schaulmester un de Pastor beschloten , en nien Glockentorm to buen  , awer wo ? Op en Stahlbarg , op en Jänsebarg , op en Harmsbarg oder op en Kötenhaje ? Man entschlot sek den nien Glockentorm op Kötenhaje to buen . Da moßte de Karchendiener nich sau wiet loopen . Nun schunkelt de Schaultorm nich mehr hin un her , un de Glocken heert man ewwert ganze Daal  , bis nan Kreezdahle , wo de Karchhoff is . Dei klanen Glocken op en Schaultorm bimmel nur nok for de Tiet , jede Vartelstunne - anmal , tweimal , dreimal , viermal un wat denn de Stunne eschlan hett .

Dat dullste is ja , dat wei silwest kan Pastor hemm . Hei kimmt von Rewelanne , dat sin drei Kilometer Weg vorne . awer hei kimmt mit en Flitzepee , da brukt hei nich so lanne . Siene Karche lett hei awer nich utfallen , in en Neste , wo de Welt mit Brädern tauenagelt is...